“Hizb ut-Tahrir” işi boyunca şeklengen insan taqiqatçığa qarşı eki şikâyet bildirdi

22.07.201622:07

İyül 28 künü Kiyev rayon mahkemesi “Hizb ut-Tahrir” işi boyunca şeklengen, insan aq-uquqları boyunca Kontakt gruppasınıñ azası Yaltalı Emir-Üsein Kukunıñ eki şikâyetini baqacaq.
Yaqalanğan uquqqoruycınıñ advokatı Aleksandr Popkov bildirgenine köre, taqiqatçılar Emir-Üsein Kukunıñ aqqını bozğanlar.

“İyulâ 28 künü saat 15-te Emir Üsein-Kukunıñ eki aynı şikâyeti baqılacaq. Onıñ şikâyeti taqiqatçılar adliyecilerge ekspertiza yapılacağı aqqında qararnıñ kopiyasını çıqarmağa imkân bermegenleri ve bizlerge bu qoşma malümatlarnı bildirmegenlerinen bağlı”, – dedi Popkov.
Advokatnıñ sözlerine köre, böyle areketler oña ve o qorçalağan insanğa ekspertlerge nasıl malümatlar berilgeni aqqında haberdar olmağa imkân bermey, yaza “Qırım.Aqiqat”.
“Biz, ekspertelerge nasıl malümatlar berilgeninden haberimiz olmağanı sebebinden, öz aq-uquqlarımızğa binayen, ekspertke qoşma sualler berip olamaymız,– dep qoştı advokat.

Author: Редакция AVDET

Редакция AVDET