Mavile Halil, jurnalist: insan kim olganını añlamağance, daa çoq yazda süslengen narat kibi körünecek

12.08.201619:16

Milliy medeniyetimizniñ zemaneviy vaziyeti. Medeniyetimiz ilerile, inkişaf ete dep ayta bilemizmi? Yoqsa qırımtatarlar alâ daa künümizde keçmişni tüşünip otura. Avdet bu suallerge  qırımtatar cemiyetinde belli olğan şahslarğa cevap bermege rica etti.

Medeniyet ğayet keñiş bir añlamdır. Ebet, Qırımda bu 25 sene devamında çoq şey yapıldı.

Sanatımız canlana, er bir halqnıñ medeniyet temelinde olğan din, til, tarihımız ğayırdan tiklenile. Bu yönelişte muvafaqiyetli ola bildik. Lâkin, zanımca, medeniyet – bu bir sıra kodlarnıñ birleşmesi, olar ise dünyabaqışımıznı, areketimizni şekillendirgen vastadır. Şu yerde er birimizden öz üstünden çalışmaq talap etile, çünki aynı bu kodlarnıñ toplamı balalarımızğa keçecek. Bu ise büyük mesüliyet. Medeniyetimizniñ tış tarafı – kilimler, çölmekçilik ve diger şeyler, şübesiz, pek güzel ve kerekli, lâkin bunıñ ile bir sırada insan kim olıp, ne sebep ile bu dünyada bulunğanını bilmese, o, daa çoq yaznıñ ortasında süslengen narat kibi körünecek. İçemizdeki medeniyetimiz üzerinde daa çalışmaq kerekmiz.

Mavile HALİL, jurnalist

Author: Редакция AVDET

Редакция AVDET