Aqmescit sakini içtimaiy ağda ekstremistik yırnı paylaşqanı içün cezalandı

13.10.201615:05

Aqmescit Merkeziy rayon mahkemesi Aqmescit sakinini «VKontakte» içtimaiy ağı saifesinde ekstremistik sayılğan yırnı paylaşqanı içün 1 biñ ruble para cezasını tölemege mecbur etti.

Bu aqta Qırım Cumhuriyeti prokuraturasınıñ matbuat hızmetinde bildirdiler.

«Qayd etildi ki, 21 yaşındaki yerli sakin öz saifesinde ekstremistik malümat federal cedveline kirsetilgen «Kolovrat» radikal milletçi rok-gruppasınıñ yırlarını paylaştı. Rayon prokurorı, yasaq etilgen malümatnıñ kütleviy şekilde paylaşılmasını toqtatmaq maqsadınen, ağ qullanıcısına qarşı RF Memuriy uquq bozuvı aqqında Kodeksiniñ 20.29-ci maddesi boyunca (derc etilgen ekstremistik malümat federal cedveline kirsetilgen ekstremistik malümatnı kütleviy şekilde paylaşuv) memuriy uquq bozuvı aqqında iş açtı», – dep qayd ettiler müessisede.

Author: Редакция AVDET

Редакция AVDET