Oleksa Gayvoronskiy «Qırım memleketi» kitabını taqdim etti

21.10.201614:20

олекса гайворонский

Bugün, oktâbr 21-de Fes art-merkezinde belli Qırım tarihçısı, yazıcı ve television alıp barıcısı Oleksa Gayvoronskiyniñ «Qırım memleketi» kitabı taqdim etildi.

Kitap Aqmescitte neşir etildi. Onıñ içine 61 ilmiy-polpulâr oçerk kirdi, müellif, hanlar devri tarihına ait olğan çeşit binalar aqqında tafsilâtlıca añlata.strana-krym1

strana-krym2

Kitap, Or-qapı ve sırlı Çorğuna qullesi, unikal Derviş tekiyesi ve Bağçasaray Han sarayınıñ sırlı odalarına, bunen beraber, ordu ve hanlar devirlerine ait Qırım yarımadasınıñ bütün köşelerindeki diger çoq abidelerge seyahatqa davet ete. Kitap, müellif tarafından Qırım abidelerinde yapılğan fotoresimlernen, ve 17-ci – 20-ci asır arhiv resimlerinen yaraştırılğan.strana-krym3

İşbu neşir leyhası belli Qırım mühbiri, television ve radio alıp barıcısı Naciye Feminiñ yardımı ile ömürge keçirildi.

«Sizni hanlar devrindeki yarımada boyunca seyahatqa davet etem — bu sefer «Qırım memleketi. Qırım hanlığınıñ tarih abideleri aqqında oçerkler» yañı kitabımnıñ saifelerinde. Kerçek aytsam, deñişken vaziyette bir vaqıt kitap (bundan da ğayrı, böyle müteşem kitap) neşir etip olurım dep, iç tüşünmez edim. Amma bu, neşir leyhasını ömürge keçirgen Nadj Feminiñ energiyası ve müsbet tüşüngeni içün mümkün oldı. Biz çoq şey coydıq. Amma bizde eñ müimi qaldı: bizim «Qırım memleketi» — bizim onı körgenimiz ve sevgenimiz kibi. Böyle duyğu ile onıñ aqqında yazdım. Ümüt etem ki, siziñ içün meraqlı olacaqtır. Biz tırıştıq», — dep yazdı kitap müellifi Oleksa Gayvoronskiy Facebook saifesinde.

strana-krym5

Foto: Zarema Yaliboylu

Onıñ sözlerine binaen, bugün Aqmescitte (Simferopolde) neşirniñ esas taqdimi keçirildi, kelecekte yarımadanıñ diger şeerlerinde de taqdim merasimleri teşkil etilecek.

Bundan da ğayrı, tünevin «Qırım memleketi» kitabınıñ mahsus saytı çalışıp başladı.

Saytta neşirni sımarlamaq mümkün. O yerde kitap satılacaq tükânlar aqqında da malümat yerleştirilecek. Sayt da «Qırım memleketi» icadiy neşir leyhasınıñ idarecisi Naciye Feminiñ yardımı ile peyda oldı.prezentatsiya

«Şimdilik esas bloklar azır, kelecekte saytnı daa inkişaf etmege ve bu yerge siziñ izaatlarıñız, fotoresim ve videolarıñıznı qoşmağa planlaştıramız. Ümüt etemiz ki, sayt öz, mustaqil ayatınen yaşap olur — onıñ adı pek bellidir) Qarşı bağ çalışa, bu teşkerildi!) Siziñ konstruktiv tenqitleriñizni minnetdarlıq ile qabul etem)», — dep yazdı Naciye Femi Facebook saifesinde.

Oleksa Gayvoronskiyniñ Qırım hanlığınıñ tarih abideleri aqqında oçerkleri 2015-2016 ss. devamında er afta aynı adlandırılğan rubrikada Avdet gazetası saifelerinde derc etilgen edi.

strana-krym4

Author: Редакция AVDET

Редакция AVDET