Qırımda dağlarda coyulğan qadın ölü tapıldı

24.10.201615:10

Sentâbr 19-da Ay-Petride coyulğan 68 yaşındaki Astrahan sakini Nadejda Çursova ölü tapıldı.

Qadınnıñ ölümi aqqında tafsilâtlı malümat bildirilmey, amma aytıla ki, zorbalıq izleri yoq, dep haber ete Yug.Yalta.

Qadın Ay-Petri tişlerinden 7-10 kilometr uzaqlığında tapıldı.

Şimdiki vaqıtta taqiqat komiteti qadınnıñ ölümi şaraitini ögrene.

Astrahan sakini, 1948 senesi doğğan Çursova Nadejda Grigoryevna sentâbr 19-da tahminen saat 16-da Ay-Petri dağında ğayıp oldı. O yerde qadın kelin ve oğlunen buluna edi. Nadejda Çursovanıñ soy-soplarınıñ bildirgenine köre, ğayıp olğan qadınnıñ skleroz hastalığı bar edi, o, yükseklikten qorqa ve tez boldura edi, utançaq olğanı içün yardım soramaqtan vazgeçkendir. Onıñ cep telefonı yoq edi. Qadınnı Fevqulade vaziyetler nazirligi ve «Qırım-spas» taqımınıñ hadimleri qıdırğan edi, olar bir çoq kün devamında Nadejda Çursovanı tapmağa tırışa edi.

Author: Редакция AVDET

Редакция AVDET