Aqyar ayvanat bağçasında maymun balağa ücüm etti

01.11.201616:20

Aqyarda şahsiy ayvanat bağçasında kezgen üç yaşındaki qızğa maymun ücüm etti.

«Primeçaniya» portalınıñ malümatına binaen, bala maymunğa alma berdi. Qız aylanğan soñ, ayvan parmaqlıqtan pancasını çıqardı, qıznıñ başını alıp, onı bir qaç kere demir pancağa urdı.

«Balanıñ anası kirişmege yetiştirmegen olsa edi, bunıñ neticesi daa yaramay olur edi», – dep yaza neşir.

Ayvanat bağçası hadimleri maymundan böyle şey yapacağını beklemegen. Maymun yaqında satın alınğanı içün, ayvannıñ tabiatı belli degil edi.

Balanıñ ana-babası mütenasip organlarğa şikâyet arizasını berecek ola.

Author: Редакция AVDET

Редакция AVDET