Aqmescitte GİBDD hadimleri qaçırılğan yük maşnasını tutmağa tırıştı (VİDEO)

14.11.201615:00

Tünevin, noyabr 13-te Aqmescitte aqay kişi yük maşnasını qaçırdı. Onı Yol areketi havfsızlığı Devlet İnspektsiyası (GİBDD) quvaladı. Yük maşnasını qaçırğan insan qaçqanda, qazağa oğradı.

Şaatlarnıñ malümatına binaen, cinayetçi qaçırılğan yük maşnasınen 100 kilometrni keçti.

ugonshhik

Şaatlarnıñ biri añlattı ki, bu quvalamanı Yañı Sarabuz (Ukromnoye) köyü rayonında kördi. Aqay kişiniñ bildirgenine köre, qaçırılğan yük maşnası yol kenarından ketip, az qaldı onıñ maşnasını urar edi.

ugonshhik1

Neticede yük maşnası Kiyevskaya soqağında, 83 sanlı ev yanında terekke uruldı.

«Maşnanı qaçırğan insannıñ çıqıp qaçqanını kördik. Onıñ artqa yolu GİBDD maşnalarınen blok etildi», – dep añlattı şaat.

Cinayetçi yaqalandımı, yoq – şimdilik belli degil.

Author: Редакция AVDET

Редакция AVDET