Qırımda öz isteginen qurulğan binalar ve topraq damartılarını 2018 senesi yanvar 1-ge qadar resmiyleştirmek mümkün olacaq

17.11.201610:05

2014 senesi mart 18-ge qadar öz isteginen binalar qurğan şahıslarğa topraq damartılarınıñ berilmesi, bunen beraber, öz isteginen qurulğan binalarnıñ şahsiy ev qurucılığı obyekti olaraq tanılması içün uquqiy temeller taqdim etilmesi aqqında ariza berüv müddeti 2018 senesi yanvar 18-ge qadar devam ettirildi.

«Devlet ya da belediye mülküne ait olğan topraq damrtılarınıñ berilmesi, ve bazı topraq munasebetleri meseleleri aqqında» qanunğa mütenasip tüzetmeler Qırım parlamentiniñ beşinci sessiyası toplaşuvında qabul etildi, dep bildire Qırım parlamentiniñ matbuat hızmeti.

Böyleliknen, 2018 senesi yanvar 1-den soñ, öz isteginen binalar qurğan şahıslarnıñ arizası olmağan alda, ya da öz isteginen qurulğan bina bulunğan topraq damartısınıñ berilmesi red etilgeni alda, topraq damartısı, öz isteginen bina qurğan şahısnıñ parası vastasınen yerli öz-özüni idare etüv organları tarafından boşatılacaq. Bundan da ğayrı, yerli öz-özüni idare etüv organları mecburiy yoq etüv aqqında mahkemede dava aça bile. Topraqnıñ saibi belgilenmegen alda, yerli öz-özüni idare etüv organı topraq damartısını öz parası vastasınen boşata.

Author: Редакция AVDET

Редакция AVDET