«Nenkecan» mecmuasınıñ yañı sanı derc etildi

18.11.201621:43

Bu künleri «Nenkecan» qırımtatar qadın-qızlar mecmuasınıñ nevbetteki sanı derc etildi.

«Nenkecan»nıñ yañı sanı. Bizge yardım etken er kes sağ olsun!» – dep yazdı mecmuanıñ baş muarriri Zera Bekirova.

Mecmuanıñ bu sanında Qırım yaş dizayneri Lenara Osmanovanıñ intervyusı bar, neşirniñ cıltında onıñ yapqan fes resimi kösterilgen.

Zera Bekirovanıñ Avdetke bildirgenine köre, mecmuanıñ nevbetteki sanında Mahmud Qaşğarlı adına edebiyat yarışı ğalipleriniñ eserleri, belli qırımtatar yırcısı Zeynep Lümanovanıñ hatıraları, «Qadınnıñ qadrinde sürgünlik» rubrikasında eki qırımtatarnıñ hatıraları derc etilgen. Budan da ğayrı, sanda İsmail Gasprinskiyniñ qabiri aqqında malümat, ve Bağçasaray aqqında Zera Emirsuinniñ ikâyesi bar.

Qırımtatarlar ne vaqıt Poloniyada peyda olğanı, olarnıñ bugünki sayısı, yapqan faaliyeti aqqında «Poloniyada tatarlarnıñ yolu» maqalesinden ögrenmek mümkün.

nenkedzhan
nenkedzhan3

nenkedzhan1

nenkedzhan5

nenkedzhan4

nenkedzhan6

Author: Редакция AVDET

Редакция AVDET