Poroşenko Tramp ile Qırım meselesini muzakere etti

25.11.201611:00

Ukraina prezidenti Petro Poroşenko ilân etti ki, Qırım ve Donbass meselelerini Amerika Qoşma Ştatlarınıñ yañı saylanğan prezidenti Donald Tramp ile muzakere etti.

AQŞ prezidenti vazifesine namzet olğanda, Tramp, Qırımnıñ Rusiye qısmı olaraq tanılması meselesini baqmağa azır olğanı aqqında bir qaç sefer aytqan edi.

«Ukraina prezidenti ve AQŞ yañı saylanğan prezidenti arasındaki birinci muzakerelerniñ mündericesini aytıp bermege istemez edim, amma devletimniñ şarqındaki vaziyet aqqında tafsilâtlı malümatnı oña bildirmege imkânım oldı», – dep ilân etti Poroşenko Ukraina-AB sammitiniñ neticeleri boyunca matbuat konferentsiyasında.

Avdetniñ evel bildirgenine köre, noyabr 7-de AQŞ-de devlet yolbaşçısı saylavları keçirildi. Rey berüv neticelerine köre, ğalebeni milliarder Donald Tramp qazandı. Ameldeki prezident Barak Obama ve Hillari Klinton onıñ ğalebesini tanıdılar.

Noyabr 15-te Rusiye prezidenti Vladimir Putin ve Donald Tramp telefon muzakerelerinde Qırım meselesini laf etmedi.

Author: Редакция AVDET

Редакция AVDET