Aqyar yollarında kollaps oldı

05.12.201615:40

Aqyarda buzlavuq naqliye areketini sıñırladı. Şeer yollarında olğan kollaps yerli sakinlerni açuvlattı. Aqyar sakinleri içtimaiy ağlarda kommunal hızmetlerniñ yaramay çalışqanı aqibetlerini paylaşa ve prezident Vladimir Putinge mektüp yazacaq ola.

sevast

Buz yollarda mahsus qarışma olmağanı sebebinden maşnalarnı idare etmek pek ağır ola. Şeerde qazalarnıñ sayısı arttı. Bundan da ğayrı, yüzlerce adamlar işke barıp olamadı.

sevast1

Bazıları şaqalaşa: «Halq alâmetleri: Aqyarda qar olsa, yollarda apokalipsis olur».

sevast3

İçtimaiy ağlarınıñ birinde yerleştirilgen videoda yol areketi inspektorı öz küçünen buzlu yollarğa qum atqanı körüne.

Author: Редакция AVDET

Редакция AVDET