Qırımda Kefe yolbaşçısınıñ sabıq muavini 3,5 yılğa qattı nizam koloniyasına qapatıldı

28.12.20168:35

Kefe mahkemesi şeer memuriyeti sabıq yolbaşçısınıñ sabıq muavini Makar Makarovnı ortaqlıqnen qabaatladı ve onı 3,5 yılğa qattı nizam koloniyasına qapatmaq qararını çıqardı.

Bu aqta Qırım prokuraturasınıñ matbuat hızmeti bildire.

Mahkeme qararına binaen, mahküm etilgen kişi qabarcılıqta ortaq olıp, şeerniñ sabıq yolbaşçısı Dmitriy Şepetkovğa 300 biñ dollar qabar almaq imkânını berdi.

Qırım prokuraturası dekabr 27-de Şepetkovnıñ işini mahkemege yolladı. O, Rusiye Federatsiyası Cinaiy kodeksiniñ 30-ci maddesi 3-ci qısmı – 290-ci maddesi 6-ci qısmında qayd etilgen cinayetni (büyük miqdarda qabar aluv yapqanınen qabaatlana.

Author: Редакция AVDET

Редакция AVDET