Yanvar 1-den Qırım trolleybus biletleri paalılaşacaq

28.12.201612:30

2017 senesi yanvar 1-den Qırımda Aluşta, Yalta ve Aqmescit trolleybuslarınıñ bilet fiyatları deñişecek.

Bu aqta Qırım Fiyatlar ve tarifler boyunca devlet komitetiniñ matbuat hızmeti bildire.

Fiyat eki basamaqnen deñişecek: 2017 senesi yanvar 1-den iyün 30-ğa qadar eali içün bilet fiyatı 12,00 rubleni, iyül 1-den dekabr 31-ge qadar 14,00 rubleni teşkil etecek.

Müessisede qayd etkenlerine köre, bundan da ğayrı, Aqmescit-Yalta trolleybus biletleriniñ tarifi belgilendi: bir kilometr içün 1,47 ruble, bunen beraber, biletniñ eñ kiçik fiyatı 20,00 rubleni teşkil etecek.

Foto: Avdet

Author: Редакция AVDET

Редакция AVDET