2016 senesi qırımtatarlarnıñ muvafaqiyetleri ve ğalebeleri

03.01.20179:17

2016 senesi qırımtatarlar içün iç te qolay bir yır degil edi, amma biz teslim olmadıq ve er birimiz öz saada eñ yahşı olğanını isbatlamağa devam ettik, ve yahşı becerdik. Avdet, vatandaşlarımıznıñ ğurur doğurğan bazı ğalebeleri ve muvafaqiyetlerini hatırlamağa teklif ete! Qısmet olsa, 2017 senesi daa bereketli ve muvafaqiyetli olsun.

Qırımtatar yırcısı Jamala «Eurovision-2016» halqara yır yarışınıñ ğalibi oldı.

Qırımtatar aktörı, rejissör, stsenarist, Qırımda nam qazanğan artist Ahtem Seytablayev «Eñ yahşı aktör» namzetliginde 2016 senesi «Teletriumf» mukâfatını aldı. «Boysunmağanlar. Vasil Stus» qısqa filmi – Mustaqillik yubileyine bağışlanğan filmlerdendir. Film, ukrain şairi ve dissidenti Vasiliy Stus aqqında añlata, o, açlıq ilân etken soñ, apishanede vefat etti, diger versiyağa binaen, o, közeticiler tarafından öldürilgen.

22 yaşındaki yengil atlet Leyla Acametova Rio-de-Janeyro şeerinde keçirilgen Paralimpik oyunlarda ukrain cıyma taqımına «altın» qazandı. O, T13 kategoriyasında (zayıf körgenler) 100 metr mesafesinde final çapuvında 11,79 saniye neticesinen ğalebe qazanıp, dünya rekordını elde etti. 400 metr mesafesinde ise, tunç qazandı.

Qırımtatar Server İbragimov Rio-de-Janeyro şeerinde keçirilgen Paralimpik oyunlarda atış yarışlarında Özbekistan taqımına tunç medalni qazandı.

server-ibragimov

Qırım müendislik ve pedagogika universiteti rektorı Fevzi Yakubov ve belli quyumcı, «Dülber» quyum eviniñ tesisçisi Mehti İslamov Karl Faberje halqara memorial fondu nişanınıñ saipleri oldı. Olarğa, bunen beraber, bu fondnıñ fahriy azaları unvanı berildi.

faberzhe

İstidatlı balalar içün Qırım gimnaziya-internatında ingliz tili ocası olıp çalışqan Lenara İbraimova «Rusiye yıl ocası — 2016» Bütün Rusiye yarışınıñ Qırım cumhuriyet basamağınıñ ğalibi oldı.

uchitel-goda

Stendup mizahçı ve stsenarist Bekir Mamediyev «Komikni küldür» adlı şouda baş mukâfatnı, yani 50 biñ grivna qazandı.

«Ceval» etno-oteli musafirhane biznesi saasında Russian Hospitality Awards Bütün Rusiye mukâfatınıñ «Eñ yahşı yıl etno-oteli» namzetliginde ğalip çıqtı. Aynı bu yıl otel «dört yıldıznı» aldı.

19_02_2016_dilyara_yakubova_1

Qaradeniz Production studiyasınıñ My Homeland, Oh My Crimea adlı video işi Londonda «Açıq Avrasiya» halqara yarışta birinci yer aldı.

Kezlev mektep talebesi Mustafa Seytasanov fevral ayında Sankt-Peterburg şeerinde keçirilgen prestij Baltik ilmiy-müendislik yarışınıñ laureatı oldı. Yaş alim yarışta  «Riyaziyat» («Matematika») bölüginde «Planimetrik vazifeler çezüvinde muntazam areket qullanuvı» adlı işni taqdim etti.

mustafa-sejtasanov

Qırımnıñ Aqşeyh (Razdolnoye) rayonı sakini Selver Selâmetovnıñ ferma hocalığı bütün Rusiye köy hocalığı yarışında «Eñ yahşı ayvanasravcılıq aile ferması» namzetliginge ğalebe qazandı.
04_10_2016_ferma-1200x788Ekimlerniñ qabaatınen az qaldı vefat etecek olğan üç balanıñ anası Zalina Useinovağa 5 yıldan soñ tazminat berildi.

zalina-useinova

İçki (Sovetskoye) rayonı mekteplerinden biriniñ yaş ocası, Tavriya akademiyasınıñ slavân filologiya ve mühbircilik fakultetiniñ magistri Alime Mambetova «Ufuqqa adım at» («Şagni za gorizont») Cumhuriyet genç ocalar yarışınıñ birinci seviye laureatı oldı.

alime

Aqmescit mekteplerinden biriniñ 3-ci sınıf talebesi Eskender Paşayev rus tili ve edebiyatı olimpiadasınıñ şeer basamağında birinci yer aldı.

eskender1

Doquz yaşındaki Qırım sakini Kamile Eyupova «Rusiyeniñ kiçik istidatları» Bütün Rusiye prestij bala festivalinde birinci yer qazandı.

kamile

Cambridge universitetinde oquv yurtu, em de Büyük Britaniya tarihında ilk sefer qırımtatar tili ve medeniyeti qısqa kursı teşkil etildi. Kurs, qırımtatar tili ocası, webinar şeklinde dünyada ilk sefer teşkil etilgen «Qırım Tili Online» kursınıñ tesisçisi Zenife Seydametova tarafından azırlanıldı ve keçirildi.

Dizayner Lenara Osmanova fes ve aksessuarlar taqımını ve saytnı taqdim etti.

Stilist ve dizayner Halide Çilingirova öz urba ve aksessuarlar brendini açtı. Khalide Chilingirova brendi — bu milliy, qırımtatar üslübinde yapılğan urba ve aksessuarlardır.

Odessa halqara kinofestivalinde belli rejissör Ahtem Seytablayevniñ «Onıñ yüregi» kino leyhası birinci mukâfatnı aldı. Film, Work in progress eñ yahşı leyhası içün «Rozetka» internet-tükânından 10 biñ sertifikatınen mukâfatlandırıldı.

2016 senesi qırımtatarlar tarafından teşkil etilgen parlaq, quvançlı merasimler de çoq oldı. Bunen beraber, 2016 senesi qırımtatarlarnıñ evlerinde ve yarımada camilerinde elliden ziyade tintüv keçirildi, 14 insan yaqalandı, 16 adamğa qarşı cinaiy iş açıldı, 4 kişi mahküm etildi, 6 insanğa nisbeten mahkeme ceryanı devam ete.

Author: Редакция AVDET

Редакция AVDET