Aqmescitte Oleksa Gayvoronskiyniñ Qırım hanları aqqında eki tomluq kitabı yañıdan neşir etildi

08.01.20179:40

Yanvar 7-de Aqmescitteki Fes art-merkezinde belli Qırım tarihçısı, yazıcı Oleksa Gayvoronskiy ile, onıñ «Eki qıtanıñ ükümdarları» kitabınıñ yañıdan neşir etilüvi munasebetinen, körüşüv keçirildi.

Eki tomluq kitap, Qırım hanlığı meydanğa kelgen vaqıttaki tarihiy vaqialarnı tasvir ete, bundan da ğayrı, oquyıcığa Qırım ükümdarlarınıñ parlaq obrazlarını taqdim ete.

Müellifniñ sözlerine binaen, endi eki kere yañıdan neşir etilgen «Eki qıtanıñ ükümdarları» eki tomluq kitabı endi qıtlaşmağa da yetiştirdi. Ekinci neşirniñ tirajı 2013 senesiniñ soñunda bitti, yañı tirajnı ise Kiyevden ketirmege yetiştirmediler. Bunen beraber, Oleksa Gayvoronskiy bildirdi ki, üçünci neşir Qaradeniz Production studiyasınıñ baş müdiri Elzara İslâmovanıñ destegi ile çıqarıldı.

«İç bir vaqıt «Ükümdarlar» bir tarafnı tutqan kitap olğanını saqlamay edim. Onıñ içinde tarihiy şahıslarnı obyektivizm kör terazesinde ölçep baqmayım – bunı mensiz de yapacaqlar bar. Men ise Qırım içün açıq şekilde «hastayım». Buña «qırımmerkezcilik» («krımotsentrizm») dep aytalar. Em de men, özüm içün böyle fikirni teşkil etip olğanım içün, ülkeniñ keçmişine ve dünyağa bu taraftan baqıp ve bunı adamlarğa bildirip olğanım içün, ğururlanam», – dep ayttı Gayvoronskiy.

Avdetniñ bildirgenine köre, 2016 senesi yarımadada hanlıq devrinden saqlanıp qalğan abidelerge bağışlanğan Oleksa Gayvoronskiyniñ «Qırım yurtu» kitabı dünya yüzüni kördi. Kitapnıñ taqdimi Aqmescitt (Simferopol), Kezlev (Yevpatoriya) ve Bağçasarayda keçirildi.

Фото: Арвидас Шеметас
Foto: Arvidas Şemetas
poveliteli-fes
Foto: Arvidas Şemetas
Фото: Арвидас Шеметас
Foto: Arvidas Şemetas
Фото: Арвидас Шеметас
Foto: Arvidas Şemetas
Фото: Арвидас Шеметас
Foto: Arvidas Şemetas

повелители двух материков

Author: Редакция AVDET

Редакция AVDET