Qırım sakinlerini avtomobilnen yürmekten vazgeçmege çağırdılar

08.01.201717:30

Devlet avtoinspektsiyası ava vaziyeti kerginleşkeni sebebinden aydavcılarnı, imkânına köre, şahsiy naqliyenen yürmekten vazgeçmege çağırdı.

Çoq qar yağması, buzlavuq sebebinden naqliye areketi qıyınlaşacaq. Yollarda ve turaqlar yanında taylaq peyda olması mümkün. Bu ise, yol areketi iştirakçileri havfsızlıq qaidelerini bozacaq olsa, qazalarğa ketire bile.

«Eger çıqmaq kerek olsa, avtomobilniñ tehnikiy alına diqqat etiñiz. Hatırlamaq kerek ki, qışta yaz köpçek rezinasınen yürmek yasaq ve havflıdır, bu, qazalarğa ketire bile», – dep çağırdılar Qırım boyunca Devlet avtoinspektsiyasınıñ matbuat hızmetinde.

Aydavcılar, piyadeler yolda peyda olğanda, pek diqqatlı olmalı, çünki ava vaziyeti kerginleşken vaqıtta piyadelerniñ körgenleri sıñırlana bile (başlıq keder ete bile ve ilâhre), bu ise qazağa yol bere bile.

Piyadeler de böyle ava vaziyetinde havfsızlıq qaidelerini bozmamaq kerek: diqqatlı olmalı. Yolğa çıqmazdan evel, naqliye olmağanında, olsa da, aydavcı sizni körgeni ve yibergeninde emin olmaq; qaldırım olmağanda, yollarnıñ yarıqlanğan qısımlarında em de naqliye areketine qarşı areket etmek; yarıq qaytarğan elementler olğan urbanen yürmek kerek; hatırlañız ki, sılaq yollarda, hususan buzlavuq olğanda, naqliyeniñ çana yolu bayağı uzunca ola.

Author: Редакция AVDET

Редакция AVDET