Aqmescitte «Bağçasaraylı dört kişi» davası boyunca toplaşuv keçirilecek

10.01.201710:20

Yanvar 10-da Aqmescitteki Kiyev rayon mahkemesinde Bağçasarayda «Hizb ut-Tahrir» işi boyunca yaqalanğan dört kişiniñ apiste bulunma müddeti uzattırılması boyunca toplaşuv keçirilecek.

Bu aqta adliyeci Emil Kurbedinov bildire.

«Bağçasaraylı dört kişiniñ», bu cümleden, Enver Mamutovnıñ apiste bulunma müddeti devam ettirilmesi yarın, saat 14-te Aqmescitteki Kiyev rayon mahkemesinde keçirilecek!» – dep hatırlattı adliyeci Facebook saifesinde.

Avdetniñ bildirgenine köre, oktâbr 8-de mahkeme, dört Bağçasaray sakininiñ apiste bulunma müddetini 2017 senesi yanvar 11-ge qadar devam ettirmek qararını aldı.

Mayıs 12-de Bağçasarayda rusiyeli uquq qoruyıcılar musulmanlarnıñ evlerinde, bunen beraber, yerli «Salaçıq» qavehanesinde bir sıra tintüvler keçirdi. Neticede Zevri Abseitov, Remzi Memetov, Rustem Abiltarov ve Enver Mamutov yaqalandı. Olar, Rusiyede terroristik tanılğan «Hizb ut-Tahrir» teşkilâtınen bağlı olğanında şeklenile.

Author: Редакция AVDET

Редакция AVDET