AQŞ devlet kâtibi vazifesine namzet Qırımnıñ Rusiyege qoşulmasına qol tutmay

12.01.20179:03

Amerika Qoşma Ştatları devlet kâtibi vazifesine namzet Reks Tillerson ilân etti ki, Qırımnıñ Rusiyege qoşulmasına qol tutmay.

Halqara munasebetler boyunca senat komitetinde onıñ namzetligi qayd etilüvi boyunca diñlenüvlerde Tillersondan, o, Rusiyeniñ Qırımğa aqqı olğanını tanıymı, dep soradılar.

«Yoq, ser. Olar, olarnıñ malı olmağan topraqnı aldı», – dep ayttı Tillerson.

Bunen beraber, o qayd etti ki, Ukraina boyunca Minsk añlaşmaları alâ daa ömürge keçirilmegen.

Bundan da ğayrı, ondan, 2014 senesi Qırım Rusiyege qoşulğanı munasebetinen onıñ areketleri nasıl olur edi, dep soradılar. Tillerson ilân etti ki, Rusiyege «qattı cevap» berilmesine qol tutar edi.

Reks Tillerson bildirdi ki, 2014 senesi vaqialarında ukrain ordusı bütün küçleriniñ devletniñ şarqiy sıñırına çıqarılmasına ve Ukrainağa mudafaa silâ ve AQŞ istihbarat malümatlarınıñ berilmesine qol tutar edi.

Author: Редакция AVDET

Редакция AVDET