Qırım yollarına telefon vastasınen şikâyet etmek mümkün

18.01.201711:20

«Qırım avtomobil yolları hızmeti» hadimleri yarımada sakinlerini yollarda rastkelgen çuqurlar aqqında telefon vastasınen bildirmege çağıra.

Bu aqta müessiseniñ matbuat hızmeti bildirdi.

«Qırım Cumhuriyeti avtomobil yolları hızmeti» vatandaşlarnı Qırım regional ve şeerlerara yollarında olğan çuqurlar aqqında, meseleniñ vaqtında çezilmesi içün, bildirmege çağıra», – dep aytıla beyanatta.

Malümatnı er kün saat 9:00-dan 18:00-ge qadar nevbetteki telefon nomeri vastasınen bildirmek mümkün: +7 (978) 707-14-75.

Bunen beraber, Qırım avtomobil yolları hızmetiniñ saytındaki «Cemaat qabulhanesi» bölüginde de beyanat yazmaq mümkün.

Avdetniñ evel bildirgenine köre, qırımtatarlar toplu yaşağan Aqmescitteki Bor Çoqraq (Fontanı) qasabasınıñ sakinleri yollarnıñ yaramay olğanına şikâyet etmege ep devam ete. Bu yollarnı bombalama aqibetlerinen qıyaslaylar.

15_01_2017_фонтаны_2

Author: Редакция AVDET

Редакция AVDET