Aqmescitte maşna turaqta turğan 6 yaşındaki qıznı urdı

23.01.201714:06

Yanvar 21-de, cumaertesi künü Aqmescitte (Simferopol) Kezlev yolunda maşna turaqta turğan 6 yaşındaki qıznı urdı.

Qaza tahminen saat 11:00-de Molodöjnoye köyü rayonında yüz berdi. Bala cemaat naqliyesi turağında tura edi, o vaqıt onı VAZ-211440 avtomobili urdı.

«Aydayıcı yoldan qaldırımğa çıqtı, o yerde cemaat naqliyesi turağında turğan piyadeni urdı», – dep aytıla Devlet avtoinspektsiyasınıñ beyanatında.

Qaza neticesinde piyade, aydayıcı ve yolcu zararlandı. Bala hastahanege ketirildi. Qız reanimatsiyada ağır alda buluna.

Aydayıcı ise, qapalı qafa-miy yarası, miy sarsuvı ve diger yaralar aldı. Qazada zararlanğan 31 yaşındaki yolcu da qapalı qafa-miy yarası, miy sarsuvı ve diger yaralar aldı.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Author: Редакция AVDET

Редакция AVDET