Aqmescit akimiyeti Salğır özeni yatağı temizlenmesini avale etti

01.02.201711:10

Aqmescit memuriyeti yolbaşçısı Gennadiy Baharev mesken-kommunal hocalığı idaresine Salğır özeni yatağını ava isinecegine ve dağlarda qar iriycegine qadar temizlemege avale etti.

Bu aqta o, fevral 1-de memuriyette keçirilgen toplaşuvda bildirdi.

«Acele şekilde Salğır özeni yatağından keçmek. Biz isitilgen yerlerni pek yahşı bilemiz, demek ki, qazaiy hızmetler nevbetlerini teşkil etmek, özen yatağını temizlemek kerek», – dep ayttı şeer yolbaşçısı.

Bundan evel Aqmescit akimiyeti Salğır özeni yatağı ve saili 2015 senesi iyül soñuna qadar temizlenecegi aqqında söz bergen edi, amma er şey olğanı kibi qaldı.

Avdetniñ bildirgenine köre, Aqmescit sakinleri Salğır özeni yatağını ot basqanına, bozulğan beton ve şeer merkezinde özen sailinde çöplük obalarına şikâyet etti.

салгир_январь_2017_2 салгир_январь_2017_3

салгир_январь_2017_5

Foto: Avdet, yanvar, 2017 s.

Author: Редакция AVDET

Редакция AVDET