Qırımda kanser hastalı adamlarnıñ sayısı arttı

04.02.201711:10

Qırımda keçken yıl devamında onkologik hastalıqları olğan adamlarnıñ sayısı arttı.

Bu aqta Qırım Cumhuriyeti sağlıq saqlav nazirliginiñ baş ştat tışındaki mütehassıs-onkolog Sergey Morozov bildirdi.

«2015 senesinen qıyaslasaq, onkologik hastalığı belgilengen vaziyetler çoqlaştı. 2015 senesi – 100 biñ sakinlerden 369,8 vaqia, 2016 senesi – 414,8», – dedi o.

Bunen beraber o qayd etti ki, adet üzre onkologik hastalıqlar arasında eñ çoq teri kanseri ola.

V.M. Yefetov adına Qırım cumhuriyet onkologik klinik dispanseriniñ baş ekim muavini Yelena Çirvanıñ sözlerine köre, onkologik hastalıqlar Qırım ealisi hastalıqlar cedvelinde ekinci yerde bulunmaqta. Birinci yerde yürek-damar hastalıqları buluna.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Author: Редакция AVDET

Редакция AVDET