Aqyarda areket etken avtobustan qadın yıqıldı

08.02.201716:10

Tünevin, fevral 7-de Aqyarda (Sevastopol) qız areket etken marşrutkadan yıqıldı.

Vaqia «Studgorodok» turağı rayonında yüz berdi. Naqliye areket etken vaqıtta avtobusnıñ arqadaki qapısı açıldı, ve yolcu yolğa yıqıldı. Marşrutka artından taksi kete edi, yahşı ki, maşna tek yol çatışmasından çıqıp, yüksek suratqa yetmege yetiştirmedi. Avtomobil tamam yatqan qadın yanında toqtadı. Zararlanğan qız özü turıp, turaqqa qayttı. Soñra belli olğanına köre, qadın qafa-miy yarasını aldı.

Bunen beraber, şaatlar qayd ete ki, arqadaki qapı yaramay qapatılğan edi.

«O, tayanmadı!!! O, oturmaq içün o yerge keçe edi. Aydayıcı gazğa bastı ve qadın arqadaki qapığa tüşti», – dep yazdı bu avtobusnıñ yolcularından biri.

Aydayıcı marşrutkanı toqtadı, çıqtı ve endi turaqta turğan qızğa bardı.

Vaqianı tışqı video nezareti kamerası qayd etti. Qullanıcılar videonı Youtube kanalına yükledi.

Yerli sakinlerniñ qayd etkenlerine köre, Aqyarda sıq-sıq böyle vaqialar ola: «Eki afta evel aynı böyle şekilde oğlan yıqıldı», – dep bildireler içtimaiy ağlarda.

Hatırlatamız ki, bu kibi vaqia Aqmescitte de yüz bergen edi. Yolcu rıqma-rıq tolu avtobustan yıqıldı. Lâkin, ne aydayıcı, ne de diger yolcular yıqılğan kişige turmağa ve avtobusqa minmege yardım etmeyip, onı yardımsız qaldırdı.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Author: Редакция AVDET

Редакция AVDET