Kefede aqay kişi anasını öldürdi ve cesedini saqladı

14.02.20179:20

Qırım Taqiqat komitetiniñ Kefe (Feodosiya) bölügi 26 yaşındaki yerli sakinge qarşı cinaiy iş açtı. O, öldürüvde şeklenile.

Taqiqatnıñ malümatına binaen, fevral 12-de yigit evinde anasınen içki içken edi. Olarnıñ arasında qavğa yüz berdi, ve yaş adam anasını bir qaç kere pıçaqnen urdı. Qadın elâk oldı, dep bildire «İskra».

Cinayet izlerini yoq etmek içün aqay kişi cesetni daireden çıqardı ve ev azbarındaki garaj artında saqladı.

Çoq keçmeden, o yaqalandı. Yaqın vaqıtta taqiqatçı oña ceza belgilev aqqında şefaat arizasınen mahkemede sözde bulunacaq. Şimdiki vaqıtta cinaiy iş taqiq etile.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Author: Редакция AVDET

Редакция AVDET