Qırımtatar yaşları hayriye kontsertini azırlay

18.02.201720:28

Fevral 25-te Aqmescitte, Qırım Cumhuriyet Zenaat birlikleri medeniyet sarayında hayriye kontserti keçirilecek. Merasim «MİLLET! VETAN! QIRIM!» qırımtatar yaşlar gruppası tarafından teşkil etile.

Cıyılacaq para hasta balanıñ tedaviylenüvine teslim etilecek. Faller, hastalıq tarihı ve paranıñ teslim etilüvi boyunca vesiqalarnı Facebook ve Vkontakte içtimaiy ağlarındaki pabliklerinde paylaşacaq.

Kontsert programmasında qırımtatar yıldızları iştirak etecek: Emine Mustafayeva, Asiye Saale, Asan Bilâlov, Rustem Memetov, Elina Sosnovskaya, Fatma Capparova, «Hip-hop QIRIM», «Canlı ses» bala yarışınıñ ğalipleri, «Yıldızlar», «Nesil», «Ateş» ansamblleri ile Mayye Anafiyeva ve Ernest Prtıhov iştirak etecek.

Kontsert saat 18:00-de başlanacaq.

Biletlerni «Yurt» antiqavehanesinde ya da Hazine tükânında satın almaq mümkün.

Tafsilâtlı malümat almaq içün telefon nomerleri: +7(978) 876 65 35, +7 (978) 126 00 02.

Keçken sefer keçirilgen hayriye aqşamında rekord miqdarda para cıyıldı – 213 biñ ruble.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

благотворительный концерт

Author: Редакция AVDET

Редакция AVDET