Boğurça qasabasında sakinler halq patrulini teşkil etti

20.02.201710:10

Aqmescitteki Boğurça (Kamenka) qasabasında soñki vaqıtları pek çoq hırsızlıq yüz bere. Cinayetke yol bermemek içün qasaba sakinleri halq patrulini teşkil etti.

Bu aqta «Qırım birdemligi» birleşmesiniñ faali Fatma İsmailova bildirdi.

«Yaşağanım Boğurça daça qasabamızda soñki eki ay içinde evlerde çoq hırsızlıq yüz berip başladı. Buña evler temizlemesi aytmaq mümkün. Adamlar bir-eki künge ketse… Ve evni nasıldır şahıslar gruppası temizley, evden er şeyni alıp kete: tehnika, ev saipleriniñ urbası, aşayt mahsulatı, tencereler, savut, şampun ve ilâhre. Boğurçada OMON patrul etken edi… Ya da bu mahsus ameliyat edi. Fikrimizce, bu, hırsızlıqnen bağlı edi. Amma başqa taraftan, eki ay devamında olarğa, hırsızlarğa, hırsızlamaq imkânını bergen ediler. Bunıñ içün adamlar soqaqlarda nevbetnen evlerini qaravullamağa qarar aldı», – dep bildirdi cemaatçı.

Yerli sakinler qasabada kütleviy hırsızlıqnıñ başlanuvını ükümet tarafından Boğurçada çöplük obasınıñ qapatılmasınen bağlay. Çöplük obasında ğayri içtimaiy şahıslarnıñ öz keliri bar edi, endi ise olar kelirsiz qaldı. Boğurça qasabası sakinleriniñ tahminlerine köre, hususan bu adamlar rayonda hırsızlıq yapa, dep bildire «Qırım.Aqiqat».

Boğurça qasabası sakinleriniñ göñülli olaraq teşkil etilgen halq patruli, şübeli şahıslar, avtomobiller ya da vaziyetlerni belgilemek içün, bu rayonda daimiy şekilde bütün soqaqlarnı baqıp çıqa.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция AVDET

Редакция AVDET