Aqmescitte Şevçenkonıñ doğğan künü qayd etilüvi içün razılıq berilmedi

06.03.201710:00

Qırım paytahtı akimiyeti ukrain faallerine mart 9-da ukrain şairi Taras Şevçenkonıñ doğğan kününe bağışlanğan miting keçirüvi içün razılıq bermedi.

Faal Leonid Küzminniñ Facebook saifesinde bildirgenine köre, faaller merasim keçirmek içün arizanı şeer memuriyetine fevral 22-de berdi. Mitingde tahminen 20 insan iştirak etecek edi.

«Aqmescit şeer memuriyeti Sizge kütleviy merasimni keçirüv aqqında haber kâğıtını ameldeki qanun talaplarına uyğun şekilde bermege teklif ete, bundan soñ razılıq berüv meselesine kene qaytacaqtır», – dep aytıla şeer memuriyeti cevabında.

Küzmin qayd etti ki, merasim iştirakçileri qanunnıñ bütün talaplarına köre ariza berdi, lâkin memuriyet merasimni keçirmek içün razılıq bermedi.

İçtimaiy ağlarda Facebook,Vkontakte,Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция AVDET

Редакция AVDET