Aqmescit ava limanında eki uçaq az qaldı çatışacaq edi

17.03.201721:05

«Ural ava hatları» şirketiniñ eki Airbus uçağı Aqmescit (Simferopol) ava limanındaki uçuv-eniş yolunda az qaldı çatışacaq edi.

Bu aqta «Krıminform» agentligi, bu vaziyetke oğrağan uçaqlarınıñ birindeki menbağa esaslanıp, bildire.

Vaqia tahminen saat 14:25-te yüz berdi.

«U6-2932 reysi ile Yekaterinburg şeerine ketken A-320 uçağı, Moskvadan kelgen ve terminalğa ketken Airbus A-321 (U6-521 reysi) uçağı ile çatışmamaq içün, uçuv-eniş yolundan çıqmaq mecbur oldı», – dep ayttı o.

«Ural ava hatları» şirketinde mühbirlerge bu vaqia boyunca izaat bermekni red ettiler. Ava limanı matbuat hızmetinde bu malümatnı ögreneler.

Vaqia şaatınıñ sözlerine köre, acele yardım ve Fevqulade vaziyetler nazirliginiñ maşnaları bu yerge 20 daqqa keçken soñ keldi.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

 самолет1
самолет

Author: Редакция AVDET

Редакция AVDET