İlmi Umerovğa qabaatlav neticesi taqdim etildi

22.03.20179:30

Mart 21-de qırımtatar faali İlmi Umerovğa cinaiy iş boyunca qabaatlav neticesi taqdim etildi.

Bu aqta Umerovnıñ adliyecisi Edem Semedlâyev video muracaatında bildirdi. Videonı İlmi Umerovnıñ qızı Ayşe Facebook saifesinde paylaştı.

Semedlâyevniñ sözlerine köre, İlmi Umerov qabaatlav neticesini alğan soñ, dava malümatı Bağçasaray mahkemesine teslim etilecek.

«Celpnameni bekleycekmiz», – dep ayttı adliyeci.

Mayıs 12-de Federal havfsızlıq hızmeti taqiqatçıları İlmi Umerovğa qarşı ekstremizm aqqında cinaiy iş açtırdı.

İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция AVDET

Редакция AVDET