Qırım yalıları ve plâjlarında bedava Wi-Fi peyda olacaq

22.03.201721:25

Qırımnıñ kurort yalıları ve plâjları turistik mevsiminde bedava wi-fi ağınen teminlenecek.

Bu aqta Qırımnıñ turistik portalı, «Wi-Fly» şirketiniñ icra müdiri İgor Boldırevniñ sözlerine esaslanıp, bildire.

Onıñ haber etkenine köre, 500 noqta endi teminlengen ve teşkerüvden keçti.

«Bizim Wi-Fi ağımız tolusınen bedava. Aqmescit bağçaları ve merkezinde, bunen beraber, Yalta, Aluşta, Kezlev ve Kefe yalılarında da endi wi-fi ağı çalışa», – dep ayttı Boldırev.

Boldırevniñ qayd etkenine köre, Kefe (Feodosiya) regionındaki plâjlar, Novıy Svet ve Köktebel köyleri, Alupka şeeriniñ yalıları bedava wi-fi ağınen teminlengen, Nikolayevka köyünde de ağ tiklenile.

«Turistik zonalarınıñ 40 faizini qaplap alacaq 710 wi-fi noqtası tolusınen kurort mevsimi başlanuvınen çalışıp başlar», – dep ayttı o.

Şirket kelecekte Aqmeçit (Çernomorskiy) köyü, Saq şeeri ve rayonında, «Qırım» limanı ve «Qavqaz» limanınıñ bekleme zonalarını wi-fi noqtalarınen teminleycek ola.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция AVDET

Редакция AVDET