Aqmescitte qırımtatar faali yaqalanğanı aqqında malümat bildirile (VİDEO)

29.03.201714:26

Aqmescitte (Simferopol) Qırım Cumhuriyeti Yuqarı mahkemesi binası yanında maskalı belli olmağan şahıslar qırımtatar kişi Belâl Adilovnı tuttı ve alıp ketti.

Bu aqta adliyeci Emil Kurbedinov Facebook saifesinde bildirdi.

Onıñ malümatına binaen, faalni alıp ketken adamlar özüni tanıtmadı ve «yaramay davrandı». Yüz bergen vaqianı videoğa çıqarğan şaatlardan biriniñ elinden cep telefonını urıp taşladılar.

«Adilov, vatandaş faali, mahkeme toplaşuvlarına diñleyici olaraq keldi. O, bundan evel Aqmescit civarında keçirilgen tintüvlerde diger vatandaşlarınen beraber buluna edi», – dep bildirdi Kurbedinov.

Adliyeci qayd etti ki, elde etilgen malümatqa binaen, Adilov Rusiye Federatsiyası Qırım boyunca Taqiqat komitetinde buluna, o, «ükümet temsilcisine nisbeten zorbalıq ya da qorquzuv areketleri etkeninen» qabaatlana.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция AVDET

Редакция AVDET