Saakaşvili «Başqa Ukraina»nı alıp baracaq

29.03.20179:35

Odessa vilâyet memuriyetiniñ sabıq yolbaşçısı Mihail Saakaşvili bildirdi ki, Zik ukrain telekanalında er afta keçirilecek tok-şounıñ («Drugaya Ukraina» – «Başqa Ukraina») alıp barıcısı olacaq.

Bu aqta o, Facebook saifesinde bildirdi.

«Zikte «Başqa Ukraina» birinci programmasını yazdıq, ve bu pek keskin oldı. Er afta bu yayın vastasınen sizge iç bir kanal köstermegen Ukrainanı kösterecem», – dep yazdı Saakaşvili.

Alıp barıcı çıqaruv meydançığından fotoresim de paylaştı: o, köpek evçigi yanında tura ve elinde metin ile kâğıtnı tuta. Ukrain kütleviy haber vastaları bildire ki, sana donatması, devlet prezidenti Petro Poroşenkonıñ yaqında sözde bulunğanını aks ete bile – mart başında Harkov traktor zabodını ziyaret etkende o ilân etti ki, «köpek evçigini bile quramağan adamlar devletteki vaziyetni kerginleştirmege tırışa».

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция AVDET

Редакция AVDET