Qırımda Gasprinskiy adına medal çıqarılacaq

01.04.20179:25

Qırımda qırımtatar maarifçisi İsmail Gasprinskiy adına medalnıñ çıqarıluvı planlaştırıla.

Şimdiki vaqıtta işbu mukâfat içün taslaqlar (eskiz) yapıla. Qayd etile ki, medal üstünde milliy, cumhuriyet, em de devlet timsalleri kösterilecek. Bu mukâfat em Rusiye vatandaşlarına, em de ecnebiy vatandaşlarğa berilecek.

Gasprinskiy medali Qırım Cumhuriyetiniñ devlet mukâfatı olacaq. Bu mukâfat şahısnıñ Qırım Cumhuriyeti halqlarınıñ medeniy ve diniy inkişafına, Qırım Cumhuriyeti menfaatları çerçivesinde ananeviy konfessiyalar qaviyleştirüvine, Qırımda milletlerara ve dinlerara munasebetlerniñ eyileşmesine isse qoşqanı içün berilecek.

İsmail Gasprinskiyniñ ömrünen bağlı meraqlı malümatlarnen tanış olmağa teklif etemiz.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция AVDET

Редакция AVDET