Sudaqta Lenin abidesi yañıdan tiklenildi

01.04.201712:35

Sudaq şeerinde bundan evel yıqtırılğan Lenin abidesi yañıdan tiklenildi.

Sudaq memuriyeti matbuat hızmetiniñ bildirgenine köre, «Kommunhoz» müessisesi yerli eykeltraş Denis Şumakov ile iş añlaşmasını tizdi, o, abideni tamir etmek ve eykelni bundan evel turğan yerine qoymaq vazifesini boynuna aldı.

Lenin abidesi Sudaq şeer bağçasınıñ merkezinde qoyuldı. Eykel açılışı aprel 22-ge – Vladimir İlyiçniñ doğğan kününe planlaştırılğan.

Avdetniñ evel bildirgenine köre, Oktâbr 21-de gece belli olmağan şahıslar Sudaq şeer bağçasında Lenin abidesini viran etti.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

ленин1

ленин2

Author: Редакция AVDET

Редакция AVDET