Sankt-Peterburg şeerinde yüz bergen patlav yapqanında Rusiye vatandaşı şeklenile

04.04.201711:55

Aprel 4-te Qırğızistan Devlet havfsızlıq hızmeti ilân etti ki, Sankt-Peterburg şeerindeki metroda yüz bergen patlavda esas şeklenilgen adam Qırğızistanda doğğan Rusiye vatandaşı ola.

Qırğızistan mahsus hızmetleriniñ temsilcisi Rahat Sulaymanov bildirdi ki, şeklenilgen adam Qırğızistan cenübindeki Oş vilâyetinde 1995 senesi doğğan Akbarcon Calilov ola.

Sankt-Peterburg şeerinde aprel 3-te kündüz yüz bergen patlavnıñ qurbanı 11 adam oldı. Metro treniniñ daa 51 yolcusı yaralandı.

Avdetniñ evel bildirgenine köre, aprel 3-te, tahminen saat 14:40-ta Sankt-Peterburg şeerindeki «Tehnologiçeskiy institut» ve «Sennaya ploşad» metro stantsiyaları arasında trende belli olmağan patlatıcı alet patladı.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция AVDET

Редакция AVDET