Avropa parlamenti Ukraina vatandaşları içün vizasız nizam içün rey berdi

06.04.201714:45

Bugün, aprel 6-da, Avropa parlamenti deputatları Strasburgda keçirilgen umumiy toplaşuvda Ukraina vatandaşlarına qısqa müddetke Avropa birligi devletlerine vizasız kiriş aqqını bergen qanun leyhası içün rey berdi.

Bu vesiqanıñ metni bundan evel Avropa birligi Şurası ile ğayrı resmiy şekilde uyğunlaştırıldı. Tahminlerge köre, yañı qanun iyün başında işke tüşürilecek.

Keçirilgen rey berüv şunı bildire ki, biometrik pasportları olğan Ukraina vatandaşları yarım yılda 90 künge qadar müddetke Avropa birligi devletlerini turizm, zenaat ya da diger maqsatlarınen ziyaret ete bilecek, amma bu yerde olarnıñ çalışmaq aqqı olmaycaq.

«Buña büyük isse qoşqan er kesni hayırlayım! Ve seni, Ukrain halqı, ve seni Ukraina, hayırlayım», – dep ilân etti Ukraina prezidenti Petro Poroşenko.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция AVDET

Редакция AVDET