Qırım yalısında qadınnıñ cesedi tapıldı

15.04.201715:10

Keriçte aprel 12-de «İnstitut» turağı rayonında deñiz yalısında belli olmağan qadınnıñ cesedi tapıldı.

Bu aqta İçki işler nazirligi Keriç boyunca bölüginiñ matbuat hızmeti bildire.

Müessisede qayd eteler ki, qadınnıñ cesedinde zorbalıq izleri yoq.

Politsiya qadınnıñ şahsiyetini belgiley.

Ayrı belgiler: qadınnıñ boyu 160-165 santimetr, o, tahminen 50-55 yaşındadır, onıñ beden piçimi orta, qısqa aq saçları bar. Üstünde qara yuvunma kostümi bar edi.

Elinde er angi malümat olğan er kes Rusiye İçki işler nazirligi Keriç boyunca idaresiniñ cinaiy qıdıruv bölügine haber etmege çağırıla.

Telefon nomeraları: (36561) 6-11-93, + 7 (978) 825-80-13 ya da 102.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция AVDET

Редакция AVDET