Ahtem Çiygoznıñ işi boyunca mahkeme qararı yazda çıqarıla bile – Polozov

26.04.201711:33

Qırım Yuqarı mahkemesi qırımtatar faali Ahtem Çiygoznıñ işi boyunca qararını 2017 senesi yazda çıqara bile.

Bu aqta malümatnı Çiygoznıñ adliyecisi Nikolay Polozov bildirdi.

«Şimdilik qarar çıqaruv aqqında laf etmek ertedir. Bu vaqıtqa qadar imayeniñ 24 şaatı sorğuğa çekildi. Daa tahminen bu qadar adam sorğuğa çekilmek kerek. Bellesem, iyün ayına qadar imaye tarafı delillerni ketirüvni yekünleycek. Fikrimce, qarar yazda çıqarılacaqtır», – dep ayttı Polozov «Qırım.Aqiqatqa» bergen izaatında.

Hatırlatamız ki, aprel 24-te Qırım Yuqarı mahkemesi Ahtem Çiygozğa nisbeten cezalavnı ev yaqalanuvına deñiştirmekni red etti.

Avdetniñ evel bildirgenine köre, Ahtem Çiygoz Aqmescit SİZO-sında 2015 senesi yanvar ayından başlap buluna, o, Rusiye Federatsiyası Cinaiy kodeksiniñ 212 maddesi 1-ci qısmı («kütleviy nizamsızlıqnı teşkil etüv») boyunca qabaatlana, madde boyunca qabaatlanğan kişi 10 yılğa qadar apiske qapatıla bile.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция AVDET

Редакция AVDET