Qırımtatar bala merkezinden alınğan kitaplarnıñ ekstremizmnen bağlı olğanı yarım yıl devamında teşkerile edi

03.05.201710:20

Canköydeki Elif bala merkezinde keçirilgen tintüv neticesinde (vesiqalarda qayd etilgenine köre) alınğan kitaplar müessise müdiresi Lutfiye Zudiyevağa yarım yıl keçken soñ qaytarıldı.

Zudiyevanıñ malümatına köre, onıñ taqiqat komitetine etken şikâyetlerine cevap olaraq oña bildirildi ki, kitaplar Saratov şeerine psihologik-lingvistik ekspertizağa yollanılğan edi.

«Politsiyada ayttılar ki, kitaplarda «qanunğa uymağan» bir şey tapılmadı, ekstremistik malümatlar yoq. Bunı añlamaq içün nezaret organlarına 1,5 yıl kerek oldı», – dep añlattı merkez müdiresi.

Zudiyevanıñ bildirgenine köre, oña satın alınğan kitaplarnı Rusiyede yasaq etilgen, ekstremistik tanılğan edebiyat cedveline köre teşkermege rica etildi.

Hatırlatamız ki, yanvar 27-de Canköydeki «Elif» qırımtatar bala merkezinde tintüv keçirildi. O vaqıt merkez hadimleri sorğuğa çekildi. Bala merkezi müdiresi Lutfiye Zudiyevanıñ sözlerine köre, suallerniñ çoqusı dinnen bağlı edi. Bir qaç aftadan soñ merkezde kene de tintüv keçirildi.

İçtimaiy ağlarda Facebook,Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

детский центр1
детский центр2

Author: Редакция AVDET

Редакция AVDET