Herson vilâyetinde qırımtatar masalları kitabı taqdim etildi

06.05.201714:50

Bu künleri Herson vilâyetiniñ Geniçesk rayonında «Qırımtatarlarnıñ masalları» kitabınıñ taqdimi ve qırımtatar ustası Rustem Skibinniñ master-klassları keçirildi.

Merasimler qırımtatarlar toplu yaşağan Novoalekseyevka ve Rıkovoda teşkil etildi, dep bildire «Qırım.Aqiqat».

Ukrain tilinde yazılğan «Qırımtatarlarnıñ masalları» kitabını taqdim etmek içün bu yerge «Veselka» bala edebiyatı milliy neşriyatınıñ müdiri Aleksey Bondarenko keldi.

Eki merasim taqdiminde qırımtatar ustası Rustem Skibinniñ işleri sergisi teşkil etildi, onıñ örnekleri işbu kitapta qullanıldı.

Bundan evel Avdet bir qaç sefer qırımtatar edebiyatı meselesini açıqlay edi. Maqalelerniñ birinde qırımtatar edebiyatı büyük problemalarğa rastkelgeni aqqında bildirile.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция AVDET

Редакция AVDET