Tünevin qırımtatar evlerinde politsiya tarafından reyd keçirildi

07.05.201712:12

Sudaq rayonındaki Qapsihor (Morskoye) ve Qutlaq (Veseloye) köylerinde politsiya hadimleri qırımtatar evlerinde reyd keçirdi.

Bu aqta yerli qırımtatar faali Lenora Dülber Facebook saifesinde bildirdi.

Onıñ malümatına köre, «ziyaretler» esktremizmge qarşı tedbirler çerçivesinde teşkil etildi. Politsiya hadimleriniñ planlarına köre, regionda yaşağan 18 qırımtatar qorantasına ziyaret etilmek kerek edi.

«Politsiyanıñ sualler cedveli bar edi, onıñ içinde «Qaysı camige barasıñız? Mezarlıqqa barasıñızmı ve anda neler yapasıñız?» kibi sualler bar edi. Bütün aytılğan malümat yazılğan ve qırımtatarlarğa imzalamağa teklif etilgen izaatlarda qayd etilgen edi. Müzekereler devamında belli oldı ki, işbu «aktsiya» merkez tarafından yapıla ve bütün Qırım boyunca 11.05.2017 s. qadar keçirile», – dep bildirdi Lenora Dülber.

Avdetniñ evel haber etkenine köre, keçken afta Aqmescit sakini Tofik Abdulgaziyevde tintüv keçirildi. Uquq qoruyıcılar onıñ evinde ğayıp olğan nasıldır insannıñ vesiqalarını qıdırdı.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция AVDET

Редакция AVDET