Bu afta soñu Qırımda yağmurlar yağacaq

12.05.201712:50

Bu afta soñu, mayıs 13-14 künleri, Qırımda yağmurlı ava beklenile, bazı yerlerde boranlı yağmur yağacaqtır.

Bu aqta regional gidrometeorologik merkezi bildire.

Aqmescitte (Simferopol) deñişici bulutlı ava beklenile. Cumaertesi künü quru ava, bazar künü ise, boranlı yağmur yağması beklenile. Saniyede 7-12 metr suratınen yel esecek. Ava arareti gece +11+13, kündüz +19+21 dereceni teşkil etecek.

Aqyarda (Sevastopol) deñişici bulutlı ava beklenile. Cumaertesi künü yağanaqlar olmaz, bazar künü ise, bazı vaqıtları yağmur yağacaq. Saniyede 10-15 metr suratınen yel esecek. Ava arareti gece +11+13, kündüz +21+23 dereceni teşkil etecek.

Yaltada bulutlı ava beklenile, cumaertesi künü yağmur, bazar künü boranlı yağmur yağacaqtır. Saniyede 1-5 metr suratınen şarqiy yel esecek. Ava arareti gece +14+16, kündüz +19+21 dereceni teşkil etecek.

İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция AVDET

Редакция AVDET