Qırımda Bekir Çoban-zade adına mukâfatnen taqdirlev merasimi keçirildi

30.05.201720:35

Mayıs 27-de Qarasuvbazardaki (Belogorsk) «Aq-Qaya» etnokompleksinde 10-cı Bekir Çoban-zade adına Halqara mukâfatnen taqdirlev merasimi keçirildi.

«Qırımtatar edebiyatşınaslığı, folklorşınaslığı, bunen beraber, edebiyat ve tenqit işleri saasında eñ yahşı araştırma içün» namzetliginde Refat Abdujemilev «Mehmed Senainiñ hronikası XVII asır qırımtatar bediiy edebiyatınıñ yadikârlığı olaraq» monografiyası içün ğalebe qazandı.

3

10-я премия имени бекира чобан-задеMihaylo Yakuboviçniñ «Qırım hanlığınıñ felsefiy mefküresi» monografiyası «Qırımtatar halqınıñ tarihı, etnografiyası ve sanatı, bunen beraber, entsiklopediya ve kitabiyatnen bağlı iş saasında eñ yahşı araştırma» namzetliginde ğalebe qazandı.

2

Jüriniñ qararına binaen, yarışta iştirak etken bir qaç iş Bekir Çoban-zade adına Hayriye fondunıñ fahriy yarlıqlarınen taqdirlendi. Bu, «Kefe lâlesi» şiir cıyıntığı, «Qırımtatar tilinen bağlı leksikografik çalışmalarnıñ tarihçesi (1292-1916 ss.)» monografiyası, «Bağçasaray kollektsiyası» neşirleriniñ bir qaç tanesi, «Qırımtatarlarnıñ tarihı, mimarcılığı ve medeniyeti abideleriniñ cedveli. I-ci tom», «Kırım’daki Kırım Tatar (Türk-İslâm) Mimarȋ Yadigârları».

Avdetniñ evel bildirgenine köre, mayıs 6-da Qarasuvbazarda Bekir Çoban-zade adına Halqara mukâfatnen taqdirlev boyunca jüri toplaşuvı keçirildi.

Bekir Çoban-zade adına mukâfat 2006 senesi qarasuvbazarlı iş adamı, Bekir Çoban-zade adına fondunıñ tesisçisi Resul Velilâyev tarafından teşkil etildi. Mukâfatnıñ birinci laureatları 2007 senesi Şakir Selim («Qırımname» şiir cıyıntığı içün, 2006 s.), İsmail Kerimov (tarihçı, etnograf ve yazıcı Osman Aqçoqraqlınıñ eserleri cıyıntığını neşirge azırlav içün, 2006 s.) oldılar.

ресуль велиляев

Foto: Refat Abdujemil

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

 

Author: Редакция AVDET

Редакция AVDET