Sağanaq yağğan soñ Aqmescit Venedikke oşap qaldı (FOTO, VİDEO)

10.06.201716:10

İyün 10-da yağğan şiddetli sağanaq neticesinde Aqmescitniñ (Simferopol) bazı rayonlarını suv bastı.

Bazı yollarda suv seviyesi avtomobillerniñ klirenslerine qadar yetti. Qırım Fevqulade vaziyetler nazirligi matbuat hızmetiniñ malümatına binaen, şeerde yağğan sağanaq neticesinde bazı rayonlarnı suv bastı, amma fevqulade vaziyet olmadı.

«Aqmescitte sağanaq yağdı, amma fevqulade vaziyetler olmadı. Şeerniñ bazı rayonlarını suv bastı, amma yağanaqlar içün kanalizatsiya yahşı çalışa», – dep bildire «Krıminform» matbuat hızmetiniñ müdiri Vladimir İvanovnıñ sözlerini.

Bunen beraber, FVN haber etti ki, olarnıñ bölükleri ealiniñ ricasınen ev mağazlarını suvdan boşata.

Qırım paytahtını suv basqanından ğayrı, bu yerde terekler de yıqıldı. Bundan da ğayrı, boran neticesinde şeerniñ bazı rayonlarında elektrika söndürildi.

Aqmescit memuriyeti yolbaçşısınıñ muavini Aleksandr Ovdiyenkonıñ Facebook saifesinde bildirgenine köre, şeerniñ bütün kommunal tehnikası suv basuvı aqibetlerini yoq etmek içün soqaqlarğa çıqtı.

Onıñ sözlerine köre, suvdan boşatqan maşnalar şeerniñ eñ «alçaq» yerlerinde çalışa.

Rusiye Fevqulade vaziyetler nazirliginiñ Qırım boyunca idaresiniñ hadimleri vaziyetni nezaret ete.

Центр Симферополя – перекресток улиц Желябова и Луначарского
Aqmescit merkezi – Jelâbova ve Lunaçarskogo soqaqlarınıñ çatışması

симферополь2

симферополь3

Симферополь, район улицы Бородина
Aqmescit, Borodina soqağı rayonı
Симферополь, ж\д вокзал
Aqmescit, demiryol vokzalı
Симферополь, ул.Киевская, троллейбусный парк
Aqmescit, Kiyevskaya soqağı, trolleybus parkı

Foto: Avtopartner Krım, Tipiçnıy Simferopol

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция AVDET

Редакция AVDET