Alupkada balalar bedava plâjdan marum etildi

14.06.201711:10

Alupka balaları bu yazda «Yujnoberejnıy» şifahanesiniñ plâjına kirip olamaz, evel olar bu yerge maniasız kirgen edi. Endi olarnıñ yolunda qora tura.

«Alupkada bizim rayonımızda insancasına kirmek imkânı olğan bir plâj bile yoq, – dep şikâyet etti çoq balalı ana Dilâ Azimova. – Eñ büyük «Zelenıy mıs» plâjında, moratoriumğa baqmadan, qurucılıq işleri alıp barıla. Ondan plâj degil de, kimseniñ yalısı yapılmasını istediler».

Qayd etmek kerek ki, yaqında Alupka sakinleri Vorontsov parkı territoriyasındaki bedava plâjnı ziyaret etmek aqqından da marum etilecek edi. Kütleviy haber vastalarında beyanatlar ve Putinge video muracaatı peyda olğan soñ, yerli akimiyet adamlarğa belli bağçağa kiriş paralı olmaycağını vade etti, dep bildire «Primeçaniya».

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция AVDET

Редакция AVDET