Üç balanıñ anası evsiz qaldı

24.06.201714:35

Daa bir qırımtatar qorantası yanğın yüz bergeninden sebep evsiz qaldı. Mayıs 16-da Bağçasaray rayonındaki Aranköy (Novenkoye) köyünde Lilâ Enverovanıñ evi yandı. O, aqaysız terbiyelegen üç balanı qurtarıp oldı, amma olar endi evsiz qaldı.

Yanğın yüz bergeninden bir aydan ziyade vaqıt keçkenine baqmadan, Lilâ Enverova bu vaqianı közyaşnen hatırlay.

Mütehassıslarnıñ bildirgenlerine köre, yanğın qısqa tutaşuvdan sebep yüz berdi. Ateş damnı ve içteki odalarnı yoq etti. Vatandaşlar qorantağa birden yardım etip başladı.

Şimdiki vaqıtta Lilâ Enverova üç kiçik balasınen köy sakinleriniñ evinde yaşay. Amma bu evni avgust ayına qadar boşatmaq kerekler. Yañgan evni qadın tamir etip olamaz. Bu – aqayınen ayırılğan soñ bölünecek olğan bir evdir. Lilâ hanım yanında kiçik bir ev qurmağa planlaştıra. Buña para kerek, amma qorantanıñ parası yoq. Ailege yardım etmege istegenler Enverova Lilâ Yunusovna adına 2200 0202 0247 7446 nomeralı RNKB kartına para yollay bile, dep bildire Crimeantatars.club.

Avdetniñ evel bildirgenine köre, Appazovlarnıñ üç balalı qorantası, öyle de fuqarelerden olıp, yanğın neticesinde ev ve vesiqalarsız qaldı. Yüz bergen yanğınnıñ sebebi bozulğan elektrik ağları oldı.

Appazovlarnıñ qorantasına yardım istegenler nevbetteki bank kartına para yollay bile:

6054 7000 3476 3737

Appazova Munere Rustemovna (Susannanıñ anası)

Susanna Appazovanıñ telefon nomerası: +79780976919.

İçtimaiy ağlarda Facebook, VkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция AVDET

Редакция AVDET