«Qırımda yaşa» taqımı dünya hitlerini qırımtatar tiline tercime etti

04.07.20178:50

Keçken afta ekinci mevsimniñ final kontsertini keçirgen «Qırımda yaşa» şaqalı şou taqımınıñ azaları dünya hitlerini qırımtatar tiline tercime etti.

Kontsertniñ eñ parlaq nomerlerinden biri qırımtatar tilinde dünya hitleriniñ icra etilmesi oldı. «Elif dedim, be dedim» üçünci turında oyuncılarğa qırımtatar tilinde metinge köre belli yırlarnıñ adlarını tapmağa teklif etildi. Doğru cevaplar berilgen soñ, qırımtatar yırcıları bularnı icra etti.

Böyleliknen, The Beatles gruppasınıñ efsaneviy hiti olğan «Yesterday» («Tünevin») yırını Asan Hayretdinov yırladı. Marlen Karimov romantiklerniñ gimni olğan «Közyaşıma qadar sevem» yırını icra etti. «Tı j mene pidmanula» («Aldattıñ, aylandırdıñ») ukrain halq yırı Asiye Saale tarafından qırımtatar tilinde icra etildi. Marlen Settarov «Smuglânka-moldovankanı» yırladı.

3 4 12

«Qırımda yaşa» tercime etken hitlerniñ metinlerini taqdim etemiz:

Közyaşıma qadar sevem,

Er nefesim sanki ilki.

Dülber, yalan söz yerine

Güzel güller bulutları!

Beyaz güller yapraqları

Yatağımıznı qapladı.

Közyaşıma qadar sevem,

Delirip sevem!

Aldattıñ, aylandırdıñ

Bazarertesi söylediñ,

Çiçek cıymağa bararıq

Men keldim, sen kelmediñ

Aldattıñ, aylandırdıñ!

Sen meni aldattıñ,

Sen meni aylandırdıñ.

Sen meni yaş oğlannı,

Aqılımdan ayırdıñ!

Sen ayttıñ salı künü,

Qırq kere öpeceksiñ.

Men keldim, sen yoqtırsıñ

Aldattıñ, aylandırdıñ!

Sen meni aldattıñ,

Sen meni aylandırdıñ.

Sen meni yaş oğlannı,

Aqılımdan ayırdıñ!

Tünevin

Meseleler çoq uzaq edi,

Bugün dersiñ qapıma keldi

Of, inanam tünevinge.

Apansız

Özümi coydım, şaşmaladım.

Qara kölge içine kirdim,

Of, tünevin pek tez keçti.

Vay, canım ketti,

Bir söz bile aytmadı.

Men hata yaptım,

Ne içün kettiñ tünevin.

Yaznıñ bir tañında qomşu bağçasına köz attım,

Esmeri, urmaçel qız yüzüm cıyğanını kördim,

Men qızardım, men ağardım, bir şey istedim aytmaq,

Kel, turayıq özende – tañlar qarşılamaq!

Quvurçıqlı, qaşıq ağaç yaprağı,

Utanam ve candan çoq sevem seni,

Yapraq yeşil ve quvurçıqlı,

Quvurçıq, oymalı!

Hatırlatamız ki, iyün 28-de Aqmescitteki (Simferopol) Zenaat birlikleri medeniyet sarayında «Qırımda yaşa» şaqalı şou taqımı ekinci mevsimniñ final kontsertini keçirdi.

Foto: İldar İbragimov

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция AVDET

Редакция AVDET