Aqmescit merkezi bu yerde tamir işleri alıp barılacaq vaqıtta qapatılmaycaq

09.07.201718:37

Aqmescit (Simferopol) şeeriniñ Karl Marks ve Tolstogo soqaqları çatışmasındaki esas yollar bu yerde tamir işleri alıp barılacaq vaqıtta qapatılmaycaq.

Bu aqta Aqmescit memuriyeti yolbaşçısınıñ birinci muavini Aleksandr Ovdiyenko bildirdi.

Onıñ sözlerine köre, tamir işleri yolnıñ özünde degil de, yol yanında keçirilecek, bunıñ içün şeer sakinleri ve musafirleri qıyınlıqlarnı duymaz, dep yaza KİA.

Avdetniñ bildirgenine köre, Karl Marks soqağında yeraltı qızdıruv ağları tamir etilecek. Bundan evel haber etilgen edi ki, tamir işleri sebebinden paytaht merkezi bir ayğa qapatılacaq.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция AVDET

Редакция AVDET