Qırımtatar kişi Sudaq şeer yolbaşçısı oldı

11.07.20179:25

Sudaq şeer şurası deputatları şeer yolbaşçısı vazifesine Emirsali Ablâlimovnıñ tayinlenmesine bir ağızdan qol tuttı. Evel o, memuriyet yolbaşçısınıñ muavini edi.

Alâqalı qarar resmiy saytta «Şeer şurası qararları» bölüginde yerleştirildi.

Hatırlatamız ki, iyül 10-da Sudaq şeer şurasınıñ nevbetten tış sessiyasında deputatlar memuriyet yolbaşçısı Vladimir Serovnıñ istifağa çıqması biyunca qararnı qabul etti. Serov iyül 7-de Qırım baş naziriniñ muavini vazifesine tayinlendi. O, qayd etti ki, yanı vazifeni eda etip, Sudaq ve Yalta meselelerini idare etecek.

İçtimaiy ağlardaFacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция AVDET

Редакция AVDET