Livadki qasabasındaki camide balalar içün yazlıq meydançığı açıldı

13.07.201711:15

Aqmescit (Simferopol) civarındaki Livadki köyüniñ Qadir camisinde balalar içün «Çoqraq» yazlıq meydançığı çalışıp başlay.

Meydançıq çalışıp başlaycaq ilk kün camide açıq ders keçirilecek, balalar ve olarnıñ ana-babaları teşkilâtçılar ve ocalarnen, bunen beraber programmanen tanış olacaq, dep bildire Qırım müftiyatınıñ matbuat hızmeti.

Balalar içün yazlıq meydançığınıñ programması:

– diniy bilgiler;

– balalar içün oyunlar;

– arap elifbesi;

– peyğamberler tarihını ögrenüv;

–  sport oyunları.

Balalar kündüz çaynen sıylanacaq. Bu yerge 5 yaşını toldurğan balalar davet etile.

Yazıq meydançığı aftada üç kere saat 10:00-dan 13:00-ke qadar çalışacaq.

Malümat içün telefon nomerası: +7 978 871 62 58.

Foto: Zair Akadırov

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция AVDET

Редакция AVDET